Helleristningar er ein form for teikn og symbol som vart rissa inn i fjella av menneske som livnærte seg av jakt og fiske. Desse ristningane kan ha ulike føremål, som å markere gode fangstplassar, rike viltstader, eller til og med symbol med magiske føremål, som å gi jegaren makt over dei dyra han ønska å fange.

I dag samarbeider NTNU Vitenskapsmuseet og Møre og Romsdal fylkeskommune for å ta vare på og restaurere bergkunstfelta på Bogge. I perioden 2021/2022 vart skjøtsel av desse viktige historiske stadane utført. Skjøtsel av områda blir vidareført vinteren 2023/2024 og er difor tildekka i perioden oktober til april. Felta er dekka med matter for å verne dei, og det vert utført behandling med etanol for å fjerne mose og mikrovegetasjon. Tiltaket vil bidra til å førebyggje forvitring av berga samstundes som det betre synlegheita av dei gamle figurane. Målet er å verne helleristningane som kjeldemateriale og sikre at bergkunsten på Boggestranda vil vera tilgjengelig for komande generasjonar.

For dei som ønsker å vitje desse fantastiske helleristningane, er vegen til Bogge enkel å finne. Bogge ligg omtrent 6 kilometer frå Eidsvåg sentrum langs RV 660 mot Eresfjord. Det er ein veg som går ned forbi garden, og du kan parkere ved ei lita hytte eller hus. Vi oppmodar alle vitjande til å visa omsyn til husdyr og garden sin drift i området.

Romsdalsmuseet