Utvalde kulturlandskap (UKL)

Eitt av 51 utvalde kulturlandskap i Noreg er Eikesdalen. Utvalde kulturlandskap i jordbruket er ei nasjonal satsing der målet er å ta vare på særeigne jordbrukslandskap med store biologiske og kulturhistoriske verdiar. Særpreget skal takast vare på gjennom drift, skjøtsel og vedlikehald.

For året 2025 er UKL Eikesdalen tildelt ca. 480 000 kroner. Dette er statlege midlar som er fordelt til kommunane. Den økonomiske satsinga skal medverke til å oppretthalde eit aktivt og levande kulturlandskap, ta vare på kultur- og landskapsverdiar og å hindre attgroing.

Kven kan søkje?

Dei som kan søkje om tilskot er:

grunneigarar, drivarar og landbruksforetak innanfor UKL-området
organisasjonar, lag og foreiningar innanfor UKL-området
kommunen, kunnskapsmiljø og andre som bidreg til å nå måla i forvaltningsplanen og skjøtselsplanene

UKL-området Eikesdalen. Foto: skjermdump fra naturbase.no Skjermbilde fra naturbase.no

Sjå kart for UKL-området Eikesdalen på faktaark.naturbase.no

Kommunen kan innvilge tilskot i samsvar med formålet med ordninga og målsettingar i planer for området. Det kan bli innvilga tilskot etter mål i forvaltningsplanen for UKL Eikesdalen (PDF, 3 MB) og i tråd med skjøtselplaner for enkelte område/gardar som er utarbeidd under ordninga.

Søk om tilskot til tiltak

Det er to typar tiltak du kan søkje om:

søknad om investeringstiltak/eingongstiltak
søknad om tilskot til drift/ årleg tiltak

Tilskot til investeringstiltak/eingongstiltak

Med tilskudd til engangs-/investeringstiltak menes tidsavgrensede tiltak, for eksempel med to års arbeidsfrist. Typiske eksempel: istandsetting av bygninger og andre kulturminner, restaurering og skjøtsel av gjengrodd areal, oppsetting av gjerder, tilrettelegging for ferdsel og friluftsliv og lignende. Utarbeiding av skjøtselsplaner, gjennomføring av kurs og slåttedager, planlegging av tiltak og lignende er også i denne sammenhengen investeringstiltak. (Rundskriv 2021 31)

Tilskot til investeringstiltak 2025 –UKL Eikesdal
Kategori	Kommenter/eksempel	Tilskotssats
Haustingsskog - hassel og alm	Skjøtsel av haustingsskog som ikkje har vore stelt på svært lenge, i samsvar med godkjent skjøtselsplan	70 %
Restaurering av bygningar i tradisjonell byggestil	Restaurere bygningar, herunder skifertak, i samsvar med godkjent restaureringsplan	40 % opp til kr 150 000
Gjerding	Både fysiske og virtuelle gjerder	70 %
Fellestiltak og tiltak med liten privat nytteverdi, bygningar utanfor gardstunet, kulturminne i fellesområde	Til dømes utmarksløer, seterhus, kvernhus med meir, i følge plan utarbeidd av fagmiljø med dokumentert kompetanse på bygningsvern.	100 %
Formidling	Kurs, kunnskapsformidling og sosiale samankomstar.	100 %

NB! Ein vil ikkje kunne få UKL-midlar til skjøtsel av haustingsskog og restaurering av bygningar før det omsøkte planarbeidet er ferdig utarbeidd.

Søknad om tilskot til drift/ årleg tiltak

Med tilskudd til drift/årlig tiltak menes tilskudd til samme type tiltak som skjer hvert år. Typiske eksempel: tilskudd til beite, slått eller annen årlig skjøtsel av areal, årlig drift av seter, m.m. (Rundskriv 2021 31).

Kategoriar for tilskot til drift/årleg tiltak 2025 - UKL Eikesdalen
Kategori	Kommentar/eksempel	Tilskotssats
Haustingsskog – hassel og alm	Skjøtsel av nylegare stelt haustingsskog, i samsvar med godkjent skjøtselsplan.	70 %
Tilskudd til dyr på beite*	Småfe og storfe	Henholdsvis kr 100 og 500 per stk.
Skjøtsel av areal. Til dømes kantsoner, beite, slåttemark og utmark.	Tiltak og tilrettelegging for auka beitebruk.	70 %
Ferdselsårer	Rydding av stiar og gamle ferdselsårer med meire, i bygda.	70 %

*UKL-ordninga kan gje tilskot til søkjarar som mottek produksjonstilskot og som har husdyr på utmarksbeite i det utvalde kulturlandskapet i mer enn fem veker i beitesesongen. For å få tilskudd for dyr på utmarksbeite, må dyret ha tilfredsstillande beitemuligheter og hoveddelen av det daglige grovforopptaket skal skje ved beiting i utmark. Beitetilskot må søkast om på nytt kvart år.

Kategoriar for beitetilskot: sau/geit kr. 100 og storfe/hest kr. 500. Satsane er førebelse og kan bli justerte dersom talet på beitedyr blir vesentleg større eller mindre enn forutsett.

Rettleiande satsar for UKL-tilskot i 2025

Rettleiande satsar for UKL-tilskot 2025
Type arbeid	Kr. per time, ekskl. mva.
Traktor inkl. sjåfør	500
Person, manuelt arbeid	350
Person med motorsag	425
Traktor med flishoggar/vedmaskin inkl. sjåfør	850
Sikringstiltak ved trefelling (gjeld skjøtsel av alm som ikkje har vore stelt på svært lenge)	350

Kommunen har høve til å justere godkjente kostnadsoverslag og tilskotsbeløp ut frå tilgjengelege budsjett og samanliknbare prosjekt.

Slik søkjer du

Du kan søkje på fleire tiltak samtidig. Send inn ein søknad per tiltak.

Krav til søknaden vil variere ut frå kva type tiltak du søkjer om. Det er to ulike tiltak du kan søkje om. Dei to tiltaka har kvart sitt søknadsskjema. Les rettleiingsteksten i søknadsskjemaet nøye. Mangelfulle søknadar kan bli avvist.

Eksempel på opplysningar som trengst til søknaden:

kven som søker og kvar tiltaket skal gjennomførast
beskriving av tiltaket/prosjektet
korleis tiltaket/prosjektet er i tråd med formålet med ordninga
korleis tiltaket skal gjennomførast
kostnadsoverslag (frå t.d. handtverkar med dokumentert bygningsvernkompetanse når det gjeld bygg)
finansieringsplan

Eige arbeid kan inngå i kostnadsoverslag og finansieringsplan. Timeliste over utført arbeid må då leggast ved i sluttrapporteringa.

Du treng desse vedlegga:

Før du startar med å fylle ut søknadsskjemaet er det lurt å ha ein del opplysningar og dokument tilgjengeleg. Kva for opplysningar som trengs avheng av kva for tiltak du søkjer om.

Avhengig av type tiltak vil følgande vedlegg vere relevante:

kart som viser kvar tiltaket skal gjennomførast, frå www.gardskart.no
foto av arealet eller objektet før tiltaket blir gjennomført
skriftleg avtale om gjennomføring av fellestiltak med fleire andre aktørar, der dette er aktuelt
skriftleg løyve for gjennomføring av tiltaket frå grunneigar og eventuelt andre rettigheitshavarar dersom søkar ikkje er grunneigar

Les mer om obligatoriske vedlegg til søknaden på Landbruksdirektoratet sine nettsider. Mangelfulle søknader kan bli avvist.

Fyll ut søknadsskjemaet

Søknaden skal sendast inn via digitalt søknadsskjema med innlogging via Altinn.

Søknadsskjema og retningsliner for Utvalgte kulturlandskap

Du får automatisk ei kvittering når søknaden din er levert i Altinn.

Søknadsfrist

Søknadsfrist er 1. april 2025. Ved eventuelle restmidlar kan det bli ei utlysing på hausten i tillegg.

Kva skjer videre?

Kommunen vil behandle alle søknadar etter at søknadsfristen har gått ut. Dersom søkar er eit foretak, vil du få svar via Altinn. Dersom søkar er ein privatperson vil svar bli sendt til digital postkasse (Digipost eller eBoks), eller til di postadresse som er registrert i folkeregisteret, dersom du ikke har digital postkasse.

Vilkår og rammebetingelsar ved tildeling av tilskot

Dugnadsarbeid kan inngå som eigenandel.
Frist for gjennomføring av tiltak er til vanleg 3 år frå tilskot vart innvilga, med mindre kommunen har sett ein kortare frist. Kommunen kan etter søknad forlenge gjennomføringsfristen dersom dette er nødvendig for å få gjennomført tiltaket, men ikkje ut over fem år frå tilskotet vart innvilga.
Minst 25 % av tilskotet blir halde attende til tiltaket er fullført og sluttrapporteringa er godkjent.
Sluttrapport blir betrakta som utbetalingsanmodning. Sluttrapport skal innehalde fullstendig regnskapsoversikt med kopi av bilag. Bruk eige skjema for rapportering og timelister som eventuelt følgjer med tilsegnsbrevet.
Det blir sett ein frist for gjennomføring av tiltaket. Sluttrapport og anmodning om utbetaling må vere sendt kommunen innan den fristen som er sett. Tilsegn kan automatisk bli trekt attende dersom sluttrapport ikkje er motteken innan fristen.
Dersom kostnadane i tiltaket blir mindre enn budsjettert vil kommunen redusere tilskotet tilsvarande (%-delen tilskot blir den same).
Kommunen kan sette i verk kontroll for å sjå til at søkar brukar tilskotet etter føresetnadane. Ved kontroll pliktar tilskotsmottakar å gi nødvendig dokumentasjon om tiltaket.
Kommunen kan krevje tilskotet betalt attende dersom søkar ikkje brukar tilskotet i samsvar med føresetnadane.
Det blir forventa at søkar har alle løyve frå grunneigarar, kommunar og øvrige myndigheiter på plass før tiltaket blir sett i gang, der dette er påkravd.

Klage

Om du får avslag på søknaden, kan du klage innan ein frist på tre veker. Klagen skal sendast til Molde kommune. Forklar kva du er misfornøgd med og kvifor du meiner at vedtaket må endrast. Legg ved dokumentasjon dersom det er nye opplysningar. Om kommunen fastheld sitt vedtak, blir klagen sendt til Statsforvaltaren.