I år fyller Rosa sløyfe-aksjonen 25 år, og i oktober går vi nok en gang sammen for å farge Norge rosa. Vi håper du blir med oss!

Denne oppmodinga står på nettstaden til Rosa sløyfe-aksjonen. Nokon som har teke oppmodinga bokstavleg er Nobel seniorsenter der om lag 45 personar møtte opp på seniorsenteret for å gå i gang med rosa strikketøy tidlegare denne månaden.

—Me vil setja preg på byen under Rosa sløyfe-aksjonen til hausten, og går no i gang med å strikka mengder av rosa skjerf som då skal få pryda trea i Molde sentrum, fortel Randi Thommassen som er dagleg leiar for Nobel seniorsenter.

Ho og engasjerte seniorar starta strikkeaksjonen i samarbeid med den lokale Brystkreftforeninga og Molde sentrum. Resultatet vil bli synleg i oktober, kombinert med fleire arrangement for å bidra til kreftforskinga.

Målet med aksjonen er å visa solidaritet med brystkreftramma, spreia informasjon og auka kunnskapen om brystkreft, i tillegg til å støtta livsviktig forsking på brystkreft. I Noreg står Brystkreftforeningen og Kreftforeningen saman om aksjonen.

Aksjonen har vorte arrangert i Noreg sidan 1999 og han har bidrege med over 415 millionar kroner til brystkreftsaka.

Bilder: