Ein del av berekraftmål 17 

Norsk Bibliotekforening har valt veke 17 som berekraftveka til biblioteka og knyt markeringa til Dei sameinte nasjonane (SN) sine 17 berekraftmål. 

I tråd med både funksjonen og mandatet til biblioteka arbeider dei med alle berekraftsmåla, ifølge biblioteksjef Marianne Ingeborg Langøy:  — Me deler kunnskap, medium, tilgangar, bevarer og inkluderer. 

Biblioteksjefen seier at i tillegg til å arbeida med dei overordna måla er det og naudsynt å sjå på kva kvar enkelt av oss gjer i det daglege: 

— Når me snakkar om berekraftsmåla kan det opplevast veldig stort. 

Grøne grep 

Av tiltaka er det blant anna gjort fleire endringar på kulturbygget Plassen, der Molde bibliotek held til. 

For å gjere Plassen grønare har det blant anna blitt etablert søppelsorteringstasjonar for både matavfall, plast, restavfall og papir i publikumsareal med god fargemerking og skilting: — Me har og samla inn alle restavfallbøtter ved kvar arbeidsplass, så no bruker alle sorteringsstasjonane, fortel biblioteksjefen.  

Langøy fortel at motivasjonen for endringane dei har gjennomført var eit ønske om å unngå svære søppelsekkar fulle av matavfall, eingongsbestikk, papp, plast og liknande: — Det er fint å få teke nokre konkrete grep på Plassen som me har gjort heilt i tråd med berekraftmål 17. 

Av andre tiltak biblioteket har gjort er å fase ut papp- og plastkoppar og bestikk, ei returordning for pant i tillegg til ein dispenser inne i biblioteket for påfyll av vassflasker.